Внимавајте: Булеварот Теодосиј Гологанов затворен за сообраќај
Булеварот „Митрополит Теодосиј Гологанов“ утре од 8 до 10 часот ќе биде затворен за сообраќај на потегот од крстосницата со улицата „Франклин Рузвелт“ до крстосницата со улицата „Њуделхиска“.
Како што соопшти Град Скопје, ЈП „Улици и патишта“ во тој период од денот ќе поставува семафорски портал на булеварот, на пешачкиот премин кај Млечен ресторан.
- Поради тоа, во овој период автобусите на јавниот градски превоз кои ги опслужуваат автобуските линии со броевите 4А и 5 ќе се движат по улицата „Франклин Рузвелт“, булеварот „Партизански одреди“ и булеварот „8. Септември“, и во двете насоки, информира Град Скопје.
Оттаму апелираат до сите учесници во сообраќајот да ја почитуваат поставената привремена сообраќајна сигнализација на оваа делница.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
