„ОК“ полни 175 години

Еден од најпопуларните зборови на светот на англиски јазик, познатиот „ОК“ или на македонски „во ред“, утре го слави 175-от роденден.

Зборот првпат се појавил во печатот во американскиот „Бостон морнинг пост“ во 1839 година. 

Етимолошки, зборот нема директна врска со латински, грчки или кој било друг древен јазик. Оксфордскиот речник на својот сајт ги отфрла шпекулациите дека ОК потекнува од некои грчки и шкотски изрази за „во ред е“.

Денес ОК се користи за да се изрази согласување, одобрување, разбирање или да се нагласи реченицата, и речиси нема лице на планетата која нема да го разбере овој збор.