Бесплатна ужинка и екскурзија за основците од Карпош

Првачињата од општина Карпош ќе добијат бесплатни ужинки, а сите останати основци ќе се шетаат бесплатно по еднодневните екскурзии во пролетта, истакна градоначалникот на општина Карпош Стевчо Јакимовски. 

Ваквата одлука беше донесена во рамки на измените и дополнувањата на Програмата за дејноста образование за 2014 година, и беше изгласана од страна на советниците на општина Карпош.

- Ваквата одлука е од големо значење за децата и за родителите бидејќи основната цел ни е да им олесниме на родителите, граѓани на општина Карпош. Со ваквата постапка одговорно ги распределуваме средствата кои ни се на располагање и ги насочуваме во вистински правец, рече Јакимовски на денешната прес-конференција.