Време: Утринава смрзнувачка - преку ден 11 степени

 Времето во Македонија ќе биде променливо облачно со слаб јужен ветер. Зголемена облачност повторно ќе има во југозападните делови.

Утринската температура ќе се движи од минус седум до еден, а дневната од четири до 11 степени.

Во Скопје времето ќе биде променливо облачно со сончеви периоди. Утринската температура ќе се спушти до минус четири, а дневната ќе се искачи до девет степени.

Во четврток ќе се задржи претежно облачно време со повремени врнежи од дожд, а на планините од снег.

Преодно стабилизирање ќе има во петок.