Дознајте со кои песни ќе настапат ѕвездите од „Х-Фактор“

Вечерва ќе имаме можност да уживаме во уште едно Live Show на X-Factor и да ги погледнеме настапите на натпреварувачите кои цела недела напорно работат и вежбат.

Натпреварувачите изборот на песните го прават во договор со своите ментори, но сепак и самите одлучуваат која песна најмногу им лежи.

Некои од нив не отстапуваат од нивните омилени изведувачи, па така Тамара Милановиќ ќе настапи повторно со песна од Ријана, но, овој пат со песната „Umbrella“.

Маид Хеќимовиќ повторно ќе пее песна од Здравко Чолиќ, „Докторите“ ќе пеат песна од Џорџ Мајкл,а женскиот женскиот бенд „4U“ подготвуваат фантастична кореографија и одличен стајлинг за песната „When love takes over“ од Кели Роланд.

Како специјален гостин на вечерта ќе биде шведската евровизиска победничка, Лорин.

Вечерта ќе започне со настапот на Тамара, додека пак Даниел Кајмаковски ќе настапува седми по ред.