Маглата не си заминува - еве какво време не очекува наредните денови

Времето во Македонија денеска ќе биде облачно со повремени врнежи од дожд. По котлините ќе има појава на слаба магла, а ќе дува и слаб до умерен ветер од југоисточен правец.

Утринската температура ќе се движи од минус еден до пет, а дневната од четири до девет степени.

Во Скопје времето ќе биде облачно со повремен дожд. Утринската температура ќе се спушти до еден, а дневната ќе се искачи до пет степени.

Во наредните денови и до крајот на неделата во котлините и понатаму ќе има појава на магла и ниска облачност. Нов влажен бран се очекува во недела кон крајот на денот.