Се санира мостот на реката Брегалница во Карбинци

Мостот на реката Брегалница меѓу селата Долни Балван и Таринци во Општина Карбинци започна да се санира поради што денеска е затворен за сообраќај.

- Мостот ќе биде затворен за сообраќај се додека трае реконструкцијата. Целосната санација чини околу 19,5 милиони денари, а парите се обезбедени од Агенцијата за рурален развој,  изјави денеска градоначалникот Зоран Минов.

Инаку, мостот е уништен од минатогодишните поплави. Големо стебло од топола ја наруши статиката со што беа поткопани и двата носечки столба.