Принцот Вилијамс (31) повторно ќе се врати во училишните клупи. Од почетокот на јануари следната година ,тој ќе посетува обука од областа на земјоделството на престижниот Универзитетот во Кембриџ, објави "Кенсингтон Палас".

Наставата е со цел да му помогне на принцот во разбирање на современите случувања поврзани со земјоделскиот бизнис и руралениот имот на Велика Британија. Принцот Вилијамс ќе има обука, предавања и состаноци од 18 до 20 часа неделно.

Тој ќе мора да пишува задачи, а предвидена е и настава на терен. Оваа обука ќе му помогне на принцот да се припреми за управување со Војводство од Корнвол, кое опфаќа 53.000 хектари земјиште.