ВМРО-ДПМНЕ: Кога Бранко ќе згрми Заев се постројува
„Денешната прес конференција на СДСМ е по налог на Бранко Црвенковски и е класичен пример како Зоран Заев, кога ќе згрми Бранко Црвенковски, се постројува и го повторува тоа што тој го велеше на овој ден лани“, стои во писмената реакција на ВМРО-ДПМНЕ на денешната изјава на Зоран Заев по повод 24 декември.
„Оваа прес конференција освен што покажува под каква контрола е Зоран Заев, исто така покажува и колку некогаш човековата природа знае да забега, потценувајќи го граѓаните и ветувајќи им брда и долини. Недостасуваше на крај Заев уште да каже дека, ако тој и СДСМ дојдат на власт во Македонија нема да има несреќен човек и просечниот животен век, ако дојде СДСМ на власт ќе биде 250 години и се ќе биде зеленскасто и розово во државата Македонија, во која нема да има ниту еден проблем. Денешната изјава на Заев ја оценуваме како трагична и жална и тотално надвор од реалноста“, реагира владејачката партија.
Заев и неговите сопартијци од пред Собранието порачаа дека нема да дозволат уште еден 24 декември.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
