СЗО ја одобри првата вакцина против мајмунски сипаници

Светската здравствена организација (СЗО) објави дека ја одобрила првата вакцина против мајмунски сипаници произведена од баварски „Нордик“.

„Првата претквалификација на вакцина против мајмунски сипаници е важен чекор во нашата борба против оваа болест како во контекст на сегашната епидемија во Африка така и во иднина“, рече генералниот директор на СЗО, Тедрос Аданом Гебрејесус.

Мајмунските сипаници се вирусно заболување предизвикано од вирус сличен на вирусот на сипаници, но не се шири меѓу луѓето толку ефикасно и има помала стапка на смртност од малите сипаници.

Минатиот месец СЗО ја прогласи мајмунската сипаница за глобална јавна здравствена криза вторпат во две години откако болеста се прошири од Конго во соседните земји.

Прогласувањето јавна здравствена криза од меѓународен интерес, највисокото ниво на тревога на СЗО, може да ги забрза истражувањето, финансирањето и мерките за јавно здравје и меѓународната соработка за контрола на болеста.