(ФОТО) Германски Билд: Загина полицаец од придружбата на Орбан
Еден полицаец загина, а уште еден е тешко повреден откако придружбата на унгарскиот претседател Виктор Орбан била вклучена во страшен сообраќаен судир. Несреќата се случила околу 11:15 часот во квартот Дегерлох во Штутгарт, Германија, кога унгарскиот лидер бил придружуван до аеродромот.
Мотоциклистичкиот одред на сообраќајната полиција во Штутгарт го придружуваше унгарскиот претседател до аеродромот во Штутгарт на Лефелштрасе.
Но, 69-годишна жена која управувала со БМВ, занемарила дека полицијата веќе ја затворила раскрсницата, на раскрсницата свртела лево и удрила во моторциклот на 61-годишниот полицаец кој го следел автомобилот на Орбан.
Од силината на ударот моторот било фрлено врз моторот на 27-годишен колега на мотоциклистот, кој со својот мотор ја блокирал раскрсницата за сообраќај.
Во судирот двајцата полицајци се тешко повредени и итно се пренесени во болница, пишува германскиот таблоид „Билд“.
Но, и покрај максималните напори на итната помош, 61-годишниот полицаец набрзо починал од повредите.
Јавното обвинителство и полицијата во Штутгарт преку соопштение обзнанија дека се случила несреќа.
Орбан вчеравечер ја гледаше драматичната победа на Унгарија над Шкотска на натпреварот од Европското првенство.
Police escort of Hungary PM Viktor Orban involved in ‘serious’ accident – media
A car crashed into two police motorcycles that were escorting Viktor Orban’s motorcade through Stuttgart. One officer reportedly died, the second one was “seriously” injured pic.twitter.com/33hnc7Uyjx— Uncensored News (@Uncensorednewsw) June 24, 2024
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
