Ахмети: За разлика од Рама, Курти се меша во внатрешните работи на Албанците во Северна Македонија

Претставниците на Белата куќа и Пентагон предупредија дека САД наскоро нема да можат да испорачуваат ракети за украинските системи за воздушна одбрана „Патриот“. Како причина се наведува високата цена (од 2 до 4 милиони долари по парче) и големата потрошувачка за време на војната.

Од почетокот на војната во февруари 2022 година, Русија лансираше повеќе од 3.800 беспилотни летала и 7.400 проектили врз украинските места и градови. Во исто време, Украина стана полигон за тестирање на голем број системи за противвоздушна одбрана, пишува Њујорк Тајмс.

Нивната софистицираност варира од „Стингери“ монтирани на камиони и противвоздушни топови со краток дострел, како што е Гепард со германско производство, до сложени системи со подолг дострел, како што е САМП/Т дизјаниран во Франција, кој може да погоди цел оддалечен 100 километри. Постои, исто така, Националниот напреден ракетен систем земја-воздух, или НАСАМС, кој заеднички го произведуваат САД и Норвешка.

Само „Патриотите“ се дизајнирани да се спротивстават на балистички ракети, а од моментот кога првиот „Патриот“ пристигна на борбените линии, тој ја преобликува битката за небото, пишува Њујорк Тајмс.

Во мај и јуни, за време на некои од најсофистицираните руски напади, кои вклучуваа беспилотни летала, крстаречки ракети, балистички ракети и хиперсонични ракети, два украински „Патриоти“ ги соборија сите 34 балистички ракети испукани од Русија кон Киев, се вели во извештајот на Центарот за стратешки истражувања, истражувачка организација со седиште во Вашингтон.

„Патриот“ одигра клучна улога и во одбраната од сложени бомбардирања, каде Русија комбинира различно оружје, лансира ракети и беспилотни летала на различни траектории и користи мамки за да ја збуни воздушната одбрана на Украина.

Но, моќниот радар на „Патриот“ има домет од над 150 километри и може да следи до 100 цели одеднаш, се вели во извештајот на Конгресната служба за истражување. Неговиот радар исто така обезбедува податоци за ракетни насоки за повеќе проектили пресретнувачи и е отпорен на електронски пречки.

Додека батеријата „Патриот“ бара најмалку 70 обучени војници за ракување и одржување, потребни се само двајца или тројца војници во контролната станица за да управуваат со неа.