Поранешниот хрватски министер сепак не бил пијан кога направил сообраќајка
Тестот од крвта на поранешниот хрватски министер за одбрана, Марио Баножиќ покажал дека тој во моментот на несреќата имал 0,0 промили алкохол во крвта.
Оваа вест ја објави ДОРХ, а наодот, како што велат, е направен во болницата во Винковци.
„На увид во издадените наредби и документација со точни датуми и часови на земање на бараните мостри во Општа жупанска болница во Винковци, осомничениот 44-годишен возач на приватно возило, во моментот на сообраќајната незгода, не е утврдено присуство на алкохол или присуство на дрога, психоактивни супстанци и лекови кои влијаат на психофизичките способности на осомничениот“, соопшти ДОРХ, пренесува 24сата.
За потсетување, Баножиќ беше повреден во сообраќајната несреќа во саботата наутро, кога загина 40-годишен возач на комбе.
Притоа се здобил со повеќе повреди на телото, мозокот, градниот кош, стомакот и екстремитетите.
КБЦ во саботата објави дека доминантна била невротраумата.
Веднаш по несреќата, премиерот Андреј Пленковиќ одлучи да го смени Баножиќ од функцијата министер за одбрана.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
