Одбележани 81 година од смртта на борецот Благој Ѓорев
Со положување на цвеќе на спомен бистата, Општина Велес денеска ја одбележа годишнината од смртта на Благој Ѓорев. Денеска се навршуваат 81 години од загинувањето на македонскиот комунист и учесник во НОБ. Спомен бистата се наоѓа во велешка Маслодајна, која до 2020 година го носеше името на Благој Ѓорев.
Благој Ѓорев бил член на СКОЈ и на Комунистичката партија. Како младински и партиски активист бил еден од првите борци на Велешкиот партизански одред „Димитар Влахов“.
Во неговата куќа се печател партискиот весник „Народен глас“. Учествувал во сите борбени судири со бугарската војска и полиција. Бил убиен во заседа од бугарската полиција.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
