Српски државјанин e ранет во Израел

Во нападите во Израел ранет е српски државјанин, изјави почесниот конзул на Србија Александар Николиќ.

– За среќа повредите се полесни. Зборувавме на телефон, тој беше примен во болница и веќе е отпуштен, изјави Николиќ за РТС.

Според него, денешниот лет на „Ер Србија“ бил полн, а за утре и задутре претпладне се планирани дополнителни летови за Белград.

Сирените за воздушен напад се огласија вчераутро во јужен и централен Израел по ракетниот напад од Појасот Газа.