(ФОТО) Одржан првиот настан во „Europe House“ Велес - изложба „На работ на зборовите“

-Европската куќа е фактички мрежа којашто ние ја развиваме тука во земјата, изјави за „Прес24“ евроамбасадорот Дејвид Гир.

„Во моментот има пет, во Скопје, Струмица, Крива Паланка и Велес, а многу набрзо  ќе има уште две, во Тетово и Струга. Пред се, европските куќи постојат за младите луѓе како место каде што може да дојдат и да дискутираат за прашања кои се важни за нив, но, исто така и за прашања поврзани со ЕУ и европската иднина на нашата земја. Меѓутоа, исто така и можност, место каде што ќе може да разговараат за прекрасни работи кои Вие ги имате во Вашата земја“, изјави евроамбасадорот Гир прашан за значењето на европските куќи ширум државата.

„Вечерва слушнавме поезија изрецитирана од Кочо Рацин, нормално, бидејќи сме во Велес, меѓутоа, ја погледнавме и изложбата која, меѓудругото зборува и за македонскиот јазик и којашто е поврзана со Ацо Шопов, бидејќи се вика „Раѓањето на зборот“, додаде Гир.

За крај, тој ги покани граѓаните да проверат дали имаат европска куќа во нивниот град, или некаде во близина, притоа да ги посетат, со цел да дознаат што се случува таму, кои се настаните и како може да им помогнат.