Протести во Шведска против влезот во НАТО: Ни војник, ни пушка, ни круна за војската на НАТО
Со транспаренти „Не за НАТО“ и „Стоп Аурора 23“, околу 2.500 луѓе во саботата демонстрираа во центарот на Гетеборг против членството на Шведска во Северноатлантската алијанса.
Демонстрантите повикаа на почитување на традиционалната надворешнополитичка определба на земјата и зачувување на неутралноста, извикувајќи пароли „Ни војник, ни пушка, ни круна за војската на НАТО“, пишува весникот „Гетеборг постен“.
– Апсолутно не сакаме да се приклучиме на оваа војна на суперсилите што се води меѓу САД, Кина и Русија, каде што стануваме само вазална држава во политичката игра на големите сили – рече Гунел Берже, демонстрант и еден од организаторите на Комитетот за мир во Гетеборг.
Според соопштението на полицијата, протестите биле мирни, а собирот го нарушил функционирањето на две линии на јавен превоз.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
