Арсовска: Да се потсетиме на значењето на солидарноста, соживотот, толеранцијата

Градоначалничката на Град Скопје, Данела Арсовска, утринава го честиташе празникот на сите граѓани од исламската вероисповед по повод Рамазан бајрам.

„Со искрени желби за добро здравје, среќа, радост и благосостојба, на сите граѓани од исламската вероисповед им упатувам срдечни честитки по повод Рамазан бајрам.

На првиот ден на Рамазан бајрам, да се потсетиме на значењето на солидарноста, соживотот, толеранцијата и на меѓусебното разбирање. Сплотени, заедно можеме многу да промениме на подобро и да придонесеме за благосостојба на сите наши сограѓани, градејќи праведно, правично и просперитетно општество во кое сите поубаво и подобро ќе живеат“, се наведува во честитката на градоначалничката на Град Скопје, Арсовска.