Арсовска:Воскресението Христово ја празнува победата на животот над смртта
Најголемиот христијански празник, Воскресението Христово ја празнува победата на животот над смртта. Во најсветиот период во годината за православните христијани, ги славиме надежта, животот и победата над сите искушенија, истакна градоначалничката Данела Арсовска.
„Драги сограѓани, дозволете ми да ви го честитам најголемиот христијански празник Христовото Воскресение, и да посакам Велигден во вашите домови да донесе здравје, мир, хармонија и радост, кои ќе ги споделите со најблиските.
Велигден е празник на вечната верба и надеж. Да го славиме животот, со скромност, чесност и меѓусебна почит. Со желби за добро здравје и благодет во секое семејство, ви го честитам празникот.
Нека е за многу години. Христос Воскресна! Навистина Воскресна!“ порача Арсовска.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
