Несторовски разочаран што нема да игра на Европско: Ќе се вратам посилен за Светско (ВИДЕО)

Фудбалот без сомнеж е најважната споредна работа на светот, но и една од најнапорните. Притисокот е голем, одговорноста уште повеќе, особено ако ги браните боите на својата земја. Атмосферата во македонската репрезентрација е прилично раздвижена. Ништо чудно, ако го знаеме податокот дека нешто повеќе од 10 дена ќе играме на Европско првеснтво.

И додека сите фудбалери напорно тренираат, Илија Несторовски поради повреда се наоѓа во својот дом во Италија, и за жал нема да биде во можност да игра на ова првеснтво. Бекстејџ разговараше со Нестор, а тој откри колкаво е разочарувањето што нема да биде во можност да игра на Европското првеснтво.

-Пет-шест години сум дел од оваа репрезентеција. Од 166 место ја вративме Македонија таму кадешто доликува. И кога заедно испишавме историја, кога конечно се пласиравме на тоа Европско првенство мене ми се случи таа повреда и стварно сум разочаран. Нема бегање од тоа, таква е судбината, требало да не играм на тоа ЕП. Се надевам дека нашите момци ќе не израдуваат сите и на ова ЕП ќе постигнат одлични резултати. Здравје Боже, Светско Првенство ќе бидам доволно спремен, вели Несторовски за Бекстејџ.

Додаде дека секојдневно си разменува по некој совет со останатите фудбалери, и верува дека ќе се покажат во најдобро светло. За негативните коментари откри дека не допираат до него. Што друго кажа погледнете во продолжение.