Нејмар во солзи – силно го погоди веста за смртта на неговиот пријател

Популарниот бразилски рапер Кевин Насименто или попознат како МС Кевин почина синоќа во Рио откако падна од 11 кат на хотелот во кој престојуваше.

Оваа вест го погоди напаѓачот на ПСЖ, Нејмар, со оглед на тоа дека тој и славниот рапер беа многу блиски пријатели. МС Кевин дури имаше тетоважа на бразилскиот репрезентативец на раката и беше еден од најголемите фанови на поранешниот играч на Барселона.

Нејмар веднаш во неверување ја објави смртта на неговиот пријател на социјалните мрежи.

“Не верувам во тоа, 23 години … Дете, се колнам дека не знам што да кажам. Само да ти се заблагодарам за наклонетоста што ја имавте кон мене, тетоважи, дресови, фотографии, фудбалски копачки, дресови и слично. Се договаравме сега да се најдеме за време на мојот одмор, но за жал тоа нема да се случи. Почивај во мир “, напиша Нејмар на социјалните мрежи. Полицијата работи на случајот и сака да потврди дали станува збор за самоубиство или славниот рапер бил туркан во смрт.

МС Кевин беше следен на Инстаграм од скоро девет милиони луѓе, но и 535 илјади претплатници на неговиот канал на ЈуТјуб.