Пандев побара да се одложи мечот со Косово: За доброто на сите
Капитенот на македонската фудбалска репрезентација, Горан Пандев побара мечот против Косово за пласман на Европското првенство, кој е закажан за 26 март, да се одложи.
-За мене пласманот со Македонија на ЕП е многу повеќе од сите освоени титули. Живееме за слика од нашиот стадион со трибини, покриени од навивачи во „црвено-жолта“ боја кои ќе ни дадат сила и мотив да го надополниме се она што фудбалски го пропуштивме во последниве 20 години. Дајте ни ја шансата за вистински спектакл, дајте ни шанса со нашите навивачи да се радуваме на победа и да бидеме на чекор од Европското првенство. Здравјето е најважно и секогаш се молиме за тоа. Но, дајте ни можност да го оствариме и се она за што сме сонувале како деца. За доброто на сите, одложете го натпреварот. И заради здравјето и затоа што е фер и спортски, напиша Пандев на Инстаграм.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
