Санчо ќе ги одбие сите англиски клубови за да заигра во Ла Лига?

Сѐ повеќе и повеќе шпеклулации за иднината на еден од најперспективните англиски таленти, Џејдон Санчо, кој одамна ја надрасна Борусија Дортмунд и кој на лето ќе ја смени средината.

За него се заинтересирани речиси сите големи клубови од Европа, но најмногу англиските великани, Манчестер Јунајтед, Челзи и Ливерпул.

Меѓутоа, клубот кој ќе сака да го доведе Санчо ќе мора да плати најмалку 140 милиони евра.

Дел од медиумите сега пишуваат дека може да се случи Санчо да ги одбие сите англиски клубови, бидејќи неговиот сон е да игра во Ла Лига.

Во овој момент, толку пари можат да издвојат само Барселона и Реал Мадрид.

Санчо игра во Борусија Дортмунд од 2017 година. Досега постигна 29 гола, а има 40 асистенции.