Ужасна глетка: Со дрон снимени остатоците од хеликоптерот во кој загина Коби Брајант- извлечени телата на загинатите

Телата на деветте лица кои го загубија животот при падот на хеликоптерот на поранешниот НБА кошаркар, Коби Брајант се извлечени, јавија американските медиуми.

Три тела беа извадени од остатоците во неделата, а останатите шест доцна синоќа.

– Остатоците се земени од местото на несреќата и се однесени во центарот за судско испитување на одделот, соопшти локалната полиција на Лос Анџелес.

Инспекторите работат на местото на настанот целосно да ги разберат причините за трагичниот инцидент.

Во хеликоптерска несреќа загинаа Коби Брајант (41), неговата ќерка Џиана (13). Бејзбол тренерот Џон Алтобели, неговата сопруга Кери и ќерката Алиса која заедно со Џиана тренирала во „Мамба академијата“.Кристина Маузер која ги тренирала девојчињата и работела во Академијата. Сара Честер и нејзината ќерка тинејџерка Пејтон и пилотот Ара Зобајан.