Џафери ги посети македонските мировници во „Алтеа“ во БиХ

Македонскиот министер за одбрана Талат Џафери денеска престојува во посета на контингентот од АРМ во рамки на ЕУФОР-АЛТЕА во Босна и Херцеговина. 

За време на посетата министерот Џафери посочил дека македонските мировници во континуитет ги прикажуваат своите вештини и способности, што недвосмислено укажува на мисијата на АРМ како постојан придонесувач кон глобалниот мир, стабилност и безбедност.

Министерот Џафери положил и цвеќе на споменикот на трагично загинатите припадници на АРМ во хеликоптерската несреќа кај Катлановско Блаце.