Голем шумски пожар на Хвар - 70 пожарникари се справуваат со пламените јазици

На хрватскиот остров Хвар избувна пожар, со кој се борат 70 пожарникари, потпомогнати од четири канадери, јавува хрватската агенција ХИНА.

Објекти не се загрозени, а со пожарот се опфатени борова шума и нискостеблести растенија. 

Во гаснењето на пожарот учествуваат сите 50 пожарникари-доброволци од островот, а им помагаат уште 20 пожарникари, кои од копното со хеликоптери пристигнаа на Хвар.