Жерновски даде отчет за сработеното

Градоначалникот на општина Центар, Андреј Жерновски, даде отчет за сработеното во 100-те дена.

Жерновски денеска одговори на обвинувањето на власта дека доцни со отчетот и дека освен една дислоцирана канделабра ништо не сработил.

-Ова се тенденциозни напади. Забораваат дека во Центар имаше 3 изборни круга на гласање. Јас нема да внесувам политика во општината, а работам и ќе работам, а тоа го покажува и отчетот од кој јасносе гледа дека се што беше во изборната програма е 98 проценти реализирано или започнато, вели Жерновски.

Жерновски по повтори дека не го поддржува проектот Скопје 2014, но, нема да урива.

- Позади грандиозните изданија од Скопје 2014 се кријат илјадници нерешени животни прашања. Општината беше 13 години киднапирана од власта и ние ја враќаме на граѓаните. Конечно општината е раководена од општинските бараки, а не од централната власт. Она што го ветив е отвореноста и транспарентноста. Секоја последна среда има Отворен ден со граѓаните, а редовно со стручните лица и раководителите одиме на лице место да ги чуеме жителите на Центар. Се надевам дека граѓаните добија свој човек во општината“, вели градоначалникот.

Жерновски ги наведе следниве проекти на Општина Центар:

-Од 1 јули центарци добија бесплатен паркинг

-Отпочна процесот на гасификацијата на општината. По завршувањето на гасификацијата на ОУ  Димитар Миладинов, процесот на гасификација продолжува. Одлуката на Градот да се откаже од гасификацијата, за Жерносвки е политички, бидејќи гасификацијата се реализира во трите општини под раководство на опозицијата-Струмица, Куманово и Центар.

-Завршена е реконструкцијата или во тек е реконструкција на улиците Пајак, Роса Плавева, 8-март, Питу Гули, Благоја Давков и Ѓорѓи Пулевски.

-Почна изградбата на нов сквер Буњаковец

-Се подига нивото на одржување на хигиената и зеленилото

-За 100 дена издздени се 219 решенија за легализација

-Се расчистуваат 32 диви депонии

-Целосно е исчистен дивиот пазар под Кале

-Подигнат е нов парк до Цветниот пазар

-Отпочна реализацијата на проектот за обновени енергетско-ефикасни фасади

-Отпочнаа активности за изградба на ново основно училиште во Капиштец

-Целосно се санира новата спортска сала во ОУ Гоце Делчев

-По 58 години се ставаат нови подови во ОУ Димитар Миладинов

-Распишана е јавна набавка за изградба на нова детска градинка

-Отворена е првата општинска библиотека-читалната Славко Јаневски

-Отворен е нов пензионерски клуб.