ВМРО-ДПМНЕ: СДСМ не успеа да ги казни пензионерите - пензии и социјална помош ќе има
ВМРО-ДПМНЕ во писмената реакција на соопштението на СДСМ за одлуката на ДИК вели дека пропаднал обидот на СДСМ да ги спречи исплатите на пензии и социјална помош.
- СДСМ не успеа да ги казни пензионерите, социјалните случаи и сите оние кои не ги поддржуваат нивните деструктивни политики. СДСМ сакаше да ја види Македонија на колена и да ја доведе во неизвесност егзистенцијата на 300.000 пензионери и на примателите на социјална помош, се наведува во соопштението.
СДСМ, како што велат од ВМРО-ДПМНЕ, сакаше да нема нови апарати по болниците, да нема нови патишта, да нема субвенции за земјоделците.
- ВМРО-ДПМНЕ сака да му порача и на Кире Наумов и на СДСМ и на народот на Република Македонија дека ваквите антидржавни обиди нема да пројдат, се наведува во партиското соопштение.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
