Рамос: Немаме доверба во клубските доктори, но немаме друг избор
Капитенот на мадридски Реал, Серхио Рамос, ги потврди шпекулациите дека играчите немаат доверба во главниот клупски доктор Хесус Олмо.
Олмо беше промовиран во главен лекар на првиот тим, откако тимот на Реал го презеде Рафаел Бенитез.
- Ова не е баш најдобро време да зборуваме за медицинскиот тим, но не сакам да ве лажам, реалноста е таква. Ќе се обидеме да ја завршиме сезоната што е можно подобро, а потоа ќе седнеме и ќе разговараме, изјави капитенот Рамос.
Дефанзивецот на Реал минатиот викенд ја обнови повредата на рамотo и ќе ги пропушти пријателските натпревари на Шпанија со Англија и Белгија, а неизвесен е и за „Ел класико“ против Барселона на 21 ноември.
Освен него, чести проблеми co повреди сезонава имаат и Хамес Родригес, Герет Бејл, Карим Бензема, Лука Модриќ, Дани Карвахал и Матео Ковачиќ.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
