Тодоров: Заев и неговите го кочат договорот од Пржино

Дека се одолговлекуваат преговорите веројатно тоа е факт, но дека причина за тоа е ВМРО-ДПМНЕ, тоа не е точно, истакна министерот за здравство Никола Тодоров во дневникот на Сител, по обвинувањата на претседателот на СДСМ Зоран Заев дека владејќаката партија купува време во процесот на преговори.

-Наш став е дека токму СДСМ е партијата која работи на одолговлекување на преговорите и оневозможување на доаѓање до договор, односно компромисно решение. Веројатно позади тоа стои стравот од претстојните избори, односно стравот дека ќе загубат на претстојните избори. Тактиката е секогаш кога има некои конструктивни предлози од ВМРО-ДПМНЕ тие се прифаќаат, но доколку има поголем број такви и се гледа дека работата оди на добро, тогаш се дава некој предлог кој не е рационален и однапред се знае дека не е прифатлив за никого, вели Тодоров.

Повеќе погледнете во видеото во продолжение.