Фелипе Мело пред трансфер во Интер

Фелипе Мело, поранешен фудбалер на Јувентус и не баш омилен кај навивачите на италијанскиот шампион, е на чекор до враќање во Серија А и тоа во екипата на Интер, која е директен конкурен за титулата на неговиот поранешен клуб.

Бразилскиот интернационалец, кој го сметаа за големо промашување во Јувентус, а беше донесен за 25 милиони евра од Фиорентина, по неколку години поминати во Галатасарај се враќа во италијанскиот фудбал.

Сегашниот тренер на Интер, Роберто Манчини и Мело заедно соработуваа во турскиот тим. Италијанецот добро ги познава неговите фудбалски квалтети. Тој има договор со Галатасарај до наредното лето, а Интер му нуди двегодишен договор и заработка од околу три милиони евра.

Фелипе Мело нема намера повеќе да остане во Галатасарај и според италијанските медиуми, Бразилецот веќе им кажал „Да“ на „неро-азурите“.

Интересно е тоа што двата клуба (Галатасарај и Интер) имаат закажано пријателски натпревар во Истанбул на почетокот од август, а до тогаш би требало оваа работа да биде завршена.