Шпанија и Италија на „Филип Втори“, Македонија ги доби противниците за СП 2018
Македонската фудбалска репрезентација ги доби противниците за квалификациите за пласман на Светското првенство кое во 2018-та ќе се одигра во Русија.
Ждрепката сакаше Македонија да се најде во Групата Г со две мега селекции, поранешните светски прваци Шпанија и Италија.
Селекцијата на Шпанија на 8-ми септември гостува во Скопје, но во рамките од квалификациите за пласман на Европското првенство во Франција кое ќе се одигра следната година. Првиот меч на гостински терен го загубивме со 5:1.
Шпанија го освои Светското првенство во 2010-та година.
Уште една репрезентација која до последното место ќе ја наполни Арената „Филип Втори“ е Италија. „Аѕурите“ исто така се поранешни светски прваци, а во нивните витрини имаат четири пехари од Мундијалите и тоа 1934., 1938., 1982. и 2006-та.
Селекцијата на Италија за прв пат ќе гостува во Скопје.
Останатите селекции кои се во нашата група се Израел, Албанија и Лихтенштајн. Може слободно да заклучиме дека Македонија доби атрактивна и супер тешка група за квалификациите за Мундијалот во 2018.
Група Г
Шпанија
Италија
Албанија
Израел
МАКЕДОНИЈА
Лихтенштајн
52-те репрезентации се распоредени во седум групи со по шест и две групи со по пет учесници.
Пласман на СП обезбедуваат победниците во групите, и четири второпласирани преку баражи.
Квалификациите ќе почнат на 4 септември идната година.
Ова се составите на сите групи
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
