Воведен син картон во ракометот

Младинското светско првенство во ракомет во Бразил е можност светската ракометна федерација ИХФ да експериментира со некои нови правила. За првпат во историјата на оваа игра е покажан син картон на еден натпревар.
Словенечкиот арбитар Давид Сок покажа два вакви картони во финишот од мечот меѓу Франција и Алжир, и тоа двата на алжирските ракометари Амине Бенаниниба и Софијан Теман.

Сините картони значат не само исклучување на актуелниот натпревар, туку и автоматска суспензија за следната средба, што значи дека Алжир ќе мора да настапи без овие два ракометари на следниот дуел со Аргентина.