Вавринка без проблем во осминафиналето на Вимблдон
Шампионот на Ролан Гарос Стан Вавринка успеа без поголеми проблеми да се пласира во осминафиналето на Вимблдон откако попладнево во мечот од 3.коло го победи Фернандо Вердаско со 3:0 во сетови (6:4; 6:3 и 6:4). Негов ривал во следната рунда ќе му биде Давид Гофин, кој со истиот резултат 3:0 (6:3; 6:4 и 6:2) го победи Маркос Багдатис. Пласман во осминафиналето досега изборија уште: Ришар Гаске по триумфот над ланскиот финалист Григор Димитров, Ник Киргиос беше поуспешен од Милош Раониќ, додека Кевин Андерсон го победи Леонардо Маер. Кај жените победи во 3.коло од денешната програма досега постигнаа: Белинда Бенчиќ над Бетани Матек-Санс и Коко Вандевеге против Саманта Стосур.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа