Надал елиминиран во второто коло на Вимблдон
Двократниот шампион на Вимблдон Шпанецот Рафаел Надал го заврши синоќа настапот на годинашниов Вимблдон откако во мечот од второто коло загуби од Германецот Дастин Браун со 3:1 во сетови. Ова за Браун е втора победа над Надал во двата меча одиграни досега и двата на тревната подлога (лани во Хале беше 2:0 во сетови).
Инаку, Браун (102.место на АТП листата) на турнирот стигна преку квалификации, а за Надал ова е прв пораз од квалификант. Браун првиот сет го доби со 7:5 во гемови, а Надал изедначи во вториот добивајќи го со 6:3. Во следните два беше 6:4 за Браун, кој во третото коло ќе игра против Виктор Троицки од Србија.
Надал шампионскиот пехар на Вимблдон го освојуваше во 2008 и 2010 година, а последните учества ги завршува во првата фаза од турнирот (до 4.то коло).
Од вчерашните мечеви за одбележување е и триумфот во „маратонскиот меч“ на Иво Карловиќ против Александар Долгополов. Карловиќ во петтиот решавачки сет беше подобар со 13:11 во гемови.
Другите фаворити немаа проблем во мечевите и со победи од 3:0 во сетови пласман во следната рунда остварија: Рожер Федерер, Енди Мареј, Жо-Вилфред Цонга и Томаш Бердих.
Денеска се играат првите осум мечеви од 3.коло кај мажите.
Оцени ја веста
03.07.2015 - 09:33
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
