Исповед на навивач: Го бранев син ми од хулиганите

Викендов во Србија се одигра големото дерби помеѓу Црвена Звезда и Партизан кое заврши без голови, но резултатот и мечот останаа во сенка поради инцидентите кои се случија.

Овој меч беше вест број еден во речиси сите европски весници, но не поради играта и резултатот, туку поради инцидетите.

Белграѓанинот Милош Грбовиќ (38) кој со 10 годишниот син Алекс бил на источната трибина на стадионот „Рајко Митиќ“ вели дека одеднаш настанал хаос, летале столици и дека хулиганите се нафрлиле едни на други, и дека единствено му било важно да го заштити своето дете!

-Намерно дојдовме еден час и половина порано, за да ја избегнеме гужвата и можноста на инциденти во околината. Не насетив дека веднаш ќе морам да го спасувам моето дете пред хордата на хулигани, вели Милош. Како што вели тој хаосот почнал ненадејно.

-Одеднаш се се помеша. Некои од „истокот“ дотрчаа на северната трибина а оние од северот фрлаа со столици. Се плашев само да не ја пробијат оградата меѓу двете трибини затоа што во тој случај ќе беше катастрофа. Сигурно ќе имаше десетици мртви. Алекс за среќа цело време беше смирен, на почетокот му беше и интересно, но како што инцидетот се зголемуваше, детето се уплаши. На неколку метри дотрча момче со крвава глава и тогаш детето се расплака. Се повлековме педесет метри подалеку и едвај некако успеав да го смирам, вели Грбовиќ.