Добра вест за Металург

Филип Талески нема сериозна повреда. Денешните испитувања покажале дека се работи за истегнување на латералниот лигамент и од петок Филип ќе почне со терапија, која ќе покаже колкава ќе биде паузата.

Сепак, тоа значи дека Талески ќе ги пропушти преостанатите четири средби од регуларниот дел на СЕХА-лигата. Како што е познато, регуларниот дел за Металург завршува на 1 март, кога во Скопје ќе ја пречекаме екипата на Брест Мешков.

-Сега се вратив од преглед кај д-р Боро Илиев во Ре-Медика. Констатирано е мало истегнување на страничниот лигамент и препорачано ми е да не правам магнетна резонанца, туку од петок да почнам со терапија. Оток немам, а болките се минимални, вели Талески за официјалната интернет страница на РК Металург.