Лазаров и двајца ракометари на Вардар во идеалниот тим на групната фаза од ЛШ

Капитенот на македонската ракометна репрезентација Кире Лазаров и двајца ракометари на Вардар се најдоа во идеалниот тим од групата фаза на Лигата на шампионите.

Во изборот на специјализираниот француски ракометен портал “hand-station” Тимур Дибиров е избран за најдобро лево крило, додека Игор Карачиќ за најдобар среден бек.

Дибиров и Карачиќ се најефикасните ракометари на Вардар оваа сезона во елитното натпреварување.

Рускиот репрезентативец е втор на листата со 69 гола, додека Карачиќ е на 15-то место, со 52 погодоци.

Македонскиот репрезентативец Кире Лазаров е избран за најдобар десен бек, кој воедно е и најдобар стрелец во натпреварувањето со 76 погодоци по одигрувањето на групната фаза.

Најдобрите седум според “hand-station”:

ЛЕВО КРИЛО: ТИМУР ДИБИРОВ (ВАРДАР)

Лев Бек: Момир Илиќ (Веспрем)

СРЕДЕН БЕК: ИГОР КАРАЧИЌ (ВАРДАР)

Пикер: Камил Сипжак (Висла Плок)

ДЕСЕН БЕК: КИРЕ ЛАЗАРОВ (БАРСЕЛОНА)

Десно крило: Драган Гајиќ (Монпелје)

Голман: Роланд Миклер (Веспрем)