Реал Мадрид победи на гостувањето кај Шалке
Актуелниот европски првак Реал Мадрид е пред пласман во четвртфиналната фаза од Лигата на шампионите, откако синоќа на првиот дуел од осминафиналната пресметка со Шалке славеше победа од 2:0.
Творци на победата во Гелзенкирхен беа Кристијано Роналдо кој погоди во 26.минута и Марсело со својот гол во 79.минута.
Вториот синоќешен дуел заврши нерешено. Базел на домашен терен одигра 1:1 со Порто.
Во вторникот на првите два натпревара од оваа фаза во елитното натпреварување немаше победник: Шахтјор – Баерн 0:0 и ПСЖ – Челзи 1:1.
Следниот вторник и среда се играат другите осминафинални натпревари:
Манчестер Сити – Барселона, Јувентус – Борусија Дортмунд (24 февруари),
Арсенал – Монако и Баер Леверкузен – Атлетико Мадрид (25 февруари).
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
