Натпреварот со Шалке е вистинска можност Роналдо да постигне гол
Тренерот на Реал Мадрид, Карло Анчелоти застана во одбрана на својот фудбалер Кристијано Роналдо кој во последно време е изложен на критики од јавноста поради слабата форма.
- Роналдо одигра добро на натпреварот со Депортиво. Беше квалитетен, пред сѐ на физички план. Покажа одличен интензитет. Убеден сум дека ќе биде уште подобар. Само му е потребно да реализира, а сметам дека вистинска можност за да постигне гол е дуелот со Шалке, изјави Анчелоти.
Италијанскиот стручњак додаде дека Реал е фокусиран на Примера каде се наоѓа на лидерската позиција, но како што рече, неговиот клуб ќе направи се што е во негова можност, трофејот од Лигата на шампионите да не добие нов сопственик.
Натпреварот од осминафиналето во фудбалската Лига на шампиони меѓу Шалке и Реал Мадрид е вечерва од 20 часот и 45 минути.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
