Митев го напушти кормилото на МЗТ Скопје

Боби Митев поднел оставка на тренерската позиција во МЗТ Скопје по синоќешниот пораз од Будуќност, а оваа информација се очекува денеска да ја потврдат и од таборот на тимот од Аеродром.

Митев на ваквиот чекор се одлучил поради односот на некои играчи, за кои смета дека не се ангажираат максимално од почетокот на мечот, проблем кој според него, веќе се случува на петти натпревар по ред.

Претходно оваа сезона тренерското место на македонскиот кошаркарски шампион го напуштија Змаго Сагадин и Врбица Стефанов.