Син јазик стивнува во велешко

Директор на Ветеринарната станица во Велес, доктор Димче Димитриевски за МИА информира дека кај стадата овци во велешкиот регион стивнува болеста син јазик, а воедно нема ниту нови жаришта.

Ветеринарни екипи деновиве ја завршија дезинсекцијата на сите одгледувалишта на овци и кози во поширокиот велешки регион, подвлече тој, посочувајќи оти интензитетот на болеста син јазик кај овците бил најјак во септември, а во октомври, како што рече, ги лекувале последиците.

- Сепак олеснителна околност во сета оваа штета за сточарите  е што со одлука на Владата ќе бидат ослободени од пашарина, ќе добијат субвенции и за умрените грла овца од болеста син јазик, а се поради тоа што овците умрела не по нивна вина,тука како последица на оваа болест која брзо се прошири во стадата овци, посочува Димитриевски, директор на Ветеринарната станица во Велес.