Скопскиот педофил Иван доби 10 години затвор

Кривичниот суд пресуди 10 години затвор за педофил повратник. Тој претходно веќе бил осуден за полов напад на 2 години затвор.

28 годишниот Иван се товареше дека нападнал 3 малолетни девојчиња во Скопје. Според обвинението, во првиот случај се обидел да изврши полов напад врз 11 годишно девојче кое го пресретнал на плоштадот Македонија. Ја однел во зграда во непосредна близина но девојчето успеало да му побегне.

Во вториот случај повторно среде бел ден нападнал 10 годишно девојче во Карпош 4. Ја соблекувал и ја допирал. Девојчето пружило отпор и успеало да се ослободи од канџите на напаѓачот. Во третиот случај се товари за силување во обид. Во населбата Карпош три ја начекал жртвата и ставил рака на уста и ја турнал на земја, но девојчето успеало да побегне.