„Дарувај крв и разбуди го херојот во себе“
Општинската организација на Црвен крст Центар и Институтот за трансфузиона медицина на Република Македонија денеска од 9 до 17 часот во Домот на АРМ ќе ја организираат 12-тата крводарителска акција по повод празникот Успение на Пресвета Богородица.
„Дарувај крв и разбуди го херојот во себе“ е мото на годинашната акција, чија цел е да се обезбедат поголеми количини крв во летниот период поради можноста од недостиг од крв и крвни деривати.
- Оваа акција веќе 11 години покажува резултати на голема хуманост на граѓаните на град Скопје. Во 2003 година, кога првпат беше организирана, бројот на крводарители беше 146, додека како резултат на нејзината традиција и препознатливост, во 2013 година 313 граѓани ја покажаа својата хуманост со дарување на крв, соопштија организаторите.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
