3 - годишно девојче преживеало 11 дена во шума со своето куче

Тригодишната Карина Чикитова преживеала 11 дена во сибирската шума полна со мечки и волци, благодарение на нејзиното куче, кое недала дена ја греело, по што отишло дома да донесе помош. Девојчето јадело диви боровинки и пиело вода од реката, пишува "The Siberian Times".

Иако шумата е опасно место, единствените повреди и биле убодите од комарци и гребаници на нозете. Девојчето од својата куќа во Јакутцк, се упатило кон шумата со своето куче следејќи го својот татко кој одел во соседното село. Таткото не приметил дека ќерката и кучето го следат, а тие во меѓувреме се изгубиле. Кога после 4 дена мајката стапила во контакт со таткото, сфатиле дека нивната ќерка се изгубила и го пријавиле исчезнувањето.

Потрагата со хеликоптер била отежната бидејќи Катарина своето засолниште го направила во високата трева. Кога кучето се вратило дома, спасувачите тргнале по него и го пронашле девојчето.

Иако шансите да преживее девојчето биле минимални, тоа преживеало благодарејќи му на животинскиот инстинкт на кучето.