ВИДЕО: 9-годишно момче победи алигатор

Деветгодишно момче од Флорида кое го нападнал алигатор во езеро близу Орландо, успеало да се спротистави и да му побегне на опасниот предатор.

Џејмс Барди Џуниор и неговиот другар се возеле со велосипеди кога одлучиле да се разладат во езерото Тохопекалига. Штом почнал да плива, Џејмс осетил силна болка на грбот и набрзо сфатил дека го каснал алигатор.

- Ја осетив неговата челуст, неговите заби, ја раскажува момчето својата средба со три метри долгиот и 200 килограми тешкиот алигатор.

- Бев престрашен. Незнаев што да правам. Но имав доволно сила да му ја отворам вилицата, да се ослободам и да испливам до брегот, кажа момчето од својот болнички кревет каде моментално се опоравува.

Опасниот влекач го каснал Џејмс три пати и му оставил околу 30 белези од заби и канџи по грбот, стомакот и нозете.

Докторите во една од раните пронашле и еден заб од алигаторот кој Џејмс сака да го зачува како сувенир од својата страшна авантура.

- забот е прилично голем. Ќе го закачам на околу врат за сите мои другари да го видат, рече момчето.