Македонец дизајнер на новиот "Вајпер"
31 - годишниот тетовчанец, Томе Јованоски е дизајнерот на ентериерот на ултра-спортскиот автомобил Вајпер, излезен од погоните на американски Крајслер.
Тој за Капитал ја раскажа својата приказна, како од Македонија, преку Детроит, каде што се отселил со своите родители во 1996 година, се вивна во врвот на светскиот дизајн на автомобили.
“По дипломирањето на Колеџот за креативни студии во Детроит, имав среќа веднаш да се вработам во одделот на дизајн на Крајслер. Работев на неколку модели пред да ја доживеам најголемата привилегија и предизвик за еден дизајнер, а тоа е да работи на автомобилот што му бил омилен од мали нозе. Дизајнот на ‘вајперот’ го развивавме неколку години, јас бев вклучен и во креирањето на надворешниот изглед, но најголем удел имам во обликувањето на ентериерот. Вајпер излезе во продажба во 2013 година, како 5-та генерација на ова возило, претставено на јавноста во 1992 година“, вели Јованоски.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
