Анри: Меси е поталентиран од Роналдо

Тиери Анри, кој се прослави како фудбалер на Арсенал и на Франција, изјави дека Лионел Меси е поталентиран од Кристијано Роналдо.

Анри, кој настапуваше заедно со аргентинскиот фудбалски интернационалец, нагласува дека Роналдо морал да работи за да биде најдобар.

„Лионел Меси е најдобриот фудбалер на светот, како и да е, ја ценам и вредната работа на Кристијано Роналдо“, вели искусниот Французин.

„Меси владее на теренот. Убаво е младите да уживаат во претставите на талентиран фудбалер, секако и во изданијата на момче кое што вредно работи“, додава одличниот Анри.

„Луис Саха го пофали Роналдо дека е најтрудољубивиот во Манчестер Јунајтед. И Меси се труди, како и да е, тој е поталентиран. Роналдо заслужи да биде најдобар“, засклучи Анри, кој ги пофали двајцата.