Трентин победник на седмата етапа на Тур Д‘ Франс
Италијанскиот велосипедист Матео Трентин е победник на седмата етапа на велосипедската трка Тур Д‘ Франс.
На целта во Нанси тој беше најбрз и патеката долга 233 километри ја мина за 5 часа 18 минути и 39 секунди. Исто време со победникот имаше поголема група натпреварувачи, а место на победничкиот подиум во спринтот со победникот изборија Петер Саган (Словачка) и Тони Галопин (Франција). Денешната етапа се возеше од Еперни до Нанси.
Во генералниот пласман по седум етапи води Виченцо Нибали (Италија), кој водено ја носи и „жолтата маица“ со вкупно време 29 часа 57 секунди и 4 секунди. Тој има само две секунди подобро време од Јакоб Фугсланг (Данска), а Саган има заостанување од 44 секунди зад Нибали.
Утре се вози осмата етапа од Томблен до Жерардмер Ла Муселен во должина од 161 километар.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
