ВИДЕО: Го ослободија по 50 години - видеото кое го трогна светот

После 50 години заробеништво низ кои минал вистинска голгота, трпејќи глад, ќотек и злоупотребување, слонот Раџу бил врзан со синџири и дење и ноќе... На неговите маки минатата недела им дошол крајот бидејќи бил спасен од страна на активистите на британската организација „Wildlife SOS“.

-Слоновите се интелигентни и емотивни животни. Докажано е дека покажуваат емоции и чувство на среќа, како и дека патат. Раџу плачеше кога беше ослободен, така што е јасно каква тортура преживеал. Додека не му помогнавме, тој не знаеше какво е чувството да оди без окови. Ова е навистина тажен случај. Сепак, Раџу денес знае како е да се биде слободен. Тој веќе нема да страда, рекла портпаролката на организацијата.

Она што го трогна светот се солзите на слончето додека било ослободувано.